БИШКЕК, 1-авг. — Sputnik. Кыргыз жоокерлери Россияда өтүп жаткан "Танк биатлону-2016" жарышында мелдешке чыгышты. Бул тууралуу КРдин Башкы штабы билдирди.
Эске сала кетсек, ушул күндөрү Москва шаарынын жака белиндеги "Патриот" аскердик паркында эл аралык "АрМи-2016" армия оюндары салтанаттуу түрдө ачылды.
Ачылуу аземине Россиянын коргоо министри Сергей Шойгу катышып, мелдешке старт берди.
"Кыргыз Республикасынын куралдуу күчтөрү "Танка биотлону", "Артиллериялык атуунун чебери" жана "Снайпердик чек" сынактарында күч сынашууда. Алар Венесуэла, Белоруссия жана Анголанын танкисттери менен жарышка чыгып, жакшы жыйынтык менен келишти. Учурда кийинки командалардын жарышын күтүп жатабыз", — деп айтылат маалыматта.
Аскердик оюндарга 20 миңден ашуун адам катышууда.
