БИШКЕК, 28-июл. — Sputnik. Бишкектин Горький көчөсүнө илинген "Кайран элим, кайда баратабыз?" баннери алып салына тургандыгы тууралуу Бишкек мэриясынын маалымат кызматынын жетекчиси Гуля Алмамбетова билдирди.
Буга чейин Горький менен Абдрахманов көчөлөрүнүн кесилишинде "Кайран элим, кайда баратабыз?" жаңы баннери илингени белгилүү болгон. Анда улуттук жана заманбап кийимчен кыздардын сүрөтү тартылган.
Алмамбетованын айтымында, жарнама тактасынын ээси ишкер Конурбаева болуп эсептелет. Ал Азамат деген жаранга ижарага берген.
"Баннерди ижарачы илдирткен экен. Биз ал жаран менен байланышып мындай кадамынын себебин түшүндүрүп берүүсүн сурандык. Бирок ал жакынкы аралыкта жарнаманы алып саларын айтуу менен чектелди", — деп билдирди маалымат кызматтын жетекчиси.
Президент Алмазбек Атамбаев мындай жарнактарды республика боюнча илдирүү буйругун берген. Өлкө башчы мындай кадам менен кыргыз маданиятын араб, пакистан, бангладеш маданияттары менен чаташтырбоого чакырган.
Жакынкы аралыкта Сүлүктүдө илинген мындай жарнакка белгисиз адамдар өрт койгон. Милиция учурда тартип бузгандарды издеп жатат.
