БИШКЕК, 21-июл. — Sputnik. Расмий Анкара бийликти басып алууга аракет кылып төңкөрүш уюштурган деп айыптап жаткан дин аалымы Фетхуллах Гүлендин тарапташтары дагы башка аракеттерге барышы мүмкүндүгүн айтты.
"Гүлендин террордук тобу мамлекеттик ичинде параллель түзүмдү калыптандырган. Алардын мамлекеттик төңкөрүш кылабыз деген аракетинен майнап чыккан жок. Жакынкы күндөрү же жумада алар дагы башка аракеттерди көрүшү мүмкүн. Бирок, биздин эл мындай уюмдарга карата бир муштум болуп түйүлүп, каршы турарын көрсөттү. Биз биригип турганда ою жамандар өз максатына жетпейт", — деп Эрдоган Al-Jazeera телеканалына берген интервьюсунда белгилеген.
Күч түзүмдөрү төңкөрүштү уюштурууга тиешеси бар деген шек менен 10 миңден ашык кишини кармаган. Алардын ичинде 118 генерал жана адмиралдар бар.
