БИШКЕК, 5-июл. — Sputnik. Тарыхый эстеликтерге бай Кочкор өрөөнүндөгү археологиялык казуулар боюнча илимий талкуу өтөт. Бул туурасында Тарых жана маданият жылын өткөрүү боюнча мамлекеттик дирекция демилге көтөрдү.
Кочкор өрөөнүндө 1987-жылдан бери жүрүп келе жаткан археологиялык казуулар азыркыга чейин тарыхчылар арасында кызуу талкууга алынып келет.
"XI кылымдын ойчулу Махмуд Кашгаринин аалам картасында катталган Кочнар-Башы шаарчасы Нарын облусунун Кочкор өрөөнүндө жайгашкан деген божомолдор бар. Ошол учурдан бери 2-6 метр тереңдиктеги археологиялык казуулар толук изилдене элек", — айтылат маалыматта.
Коңурбаев Кум-Дөбө аймагынан табылган археологиялык калдыктарды топтогон чакан музей да уюштурган.
Мамлекеттик дирекциянын эксперти Асанбек Токтогулов аталган аймакта археологиялык изилдөөлөр жүргүзүлсө, биздин заманга чейинки 840-940-жылдарга тиешелүү Кыргыз каганатынын борбору тууралуу маалыматтар ачыкка чыкмактыгын айткан.
