БИШКЕК, 5-июл. — Sputnik. Бишкекке жети дубандан кымызчылар чогулуп, майрам өткөрүлөт. Бул тууралуу Sputnik Кыргызстан агенттигине "Кыргыз ынтымагы" коомдук уюмунун мүчөсү Талас Байбото тегин билдирди.
Анын айтымында, иш-чара кыргыз кымызын даңазалоо максатында өткөрүлгөнү жатат.
"Улуттук суусундуктар ден соолукка абдан пайдалуу. Аны жайылтуу максатында бул майрамдык иш-чараны уюштуруп жатабыз. Мыкты кымызчыларга ардак грамоталар менен сыйлыктар тапшырылат", — деп билдирди Байбото тегин.
Иш-чара 8-июлда саат 10:00дө башталат.
Бээнин сүтүн жана кымызды туура ичүү боюнча маалыматты Sputnik инфографикасынан көрүңүздөр>>
