БИШКЕК, 4-июл. — Sputnik. Тоң районунун Көл-Төр айыл аймагындагы Коңур-Өлөң айылында катуу шамал үйдүн чатырын учуруп, башына шифер тийген бир адам каза болгонун Балыкчы метеостанциясына таянуу менен ӨКМ билдирди.
Маалыматка ылайык, кырсык 1-июлдан саат 14.00дө болгон. Шамалдын ылдамдыгы секундасына 28-32 метрге чейин жетип, үч турак жайдын чатырын учуруп кеткен.
Ал эми шифер тийген жарандын 41 жашта экени белгилүү болду.
Буга чейин Ысык-Көлдүн Ак-Суу районундагы үч айылда мөндүр жаап, 1408 гектар аянтка айдалган картошка, буудай жана арпаны кагып кеткени айтылган.
