БИШКЕК, 4-июл. — Sputnik. КР өкмөтү студенттер үчүн акы төлөп билим алуу үчүн төмөнкү, тагыраагы, эң арзаны деген баанын көлөмүн белгилеген токтом кабыл алды. Бул туурасында Билим берүү министрлиги билдирди.
Эң төмөнкү баа окуу жайдын ээлик формасына карабай коюлган. "Билим берүү", "курулуш", "экономика жана башкаруу", "экология" жана "туризм" адистиги боюнча билим алуу 26 360 сомдон кем болбошу керек. Акы төлөп окуунун эң жогорку баасы "саламаттыкты сактоо" адистиги боюнча белгиленип, ал 39 540 сомду түздү.
- Билим берүү, курулуш, экономика жана башкаруу, экология, туризм — 26 360 сом;
- Тоо-кен иштетүү өнөр жайы, транспорт, айыл чарба — 28 996 сом;
- Энергетика — 30 314 сом
- Компьютердик технология, телекоммуникация жана байланыш — 31 632 сом;
- Жабдуу, технологиялык адистик — 34 268 сом;
- Саламаттыкты сактоо — 39 540 сом.
Тизмеде көрсөтүлбөгөн адистиктер боюнча (искусство жана маданият тармагындагы адистиктерден башка) эң аз келишимдик баа 26 360 сом деп көрсөтүлгөн.
Искусство жана маданият тармагындагы адистиктер боюнча акы 26 360 сомдон төмөн төлөнөт.
