БИШКЕК, 4-июл. — Sputnik. Ысык-Көл облусунун Түп районунда 11 тоннага жакын жапайы кара куурай жок кылынганын Маңзатты көзөмөлдөө мамлекеттик кызматы билдирди.
Маалыматка ылайык, 1-июлда "Мак-2016" ведомстволор аралык иш чаранын жыйынтыгында райондук, айылдык укук коргоо жана жергиликтүү бийлик өкүлдөрүнүн катышуусунда жапайы өскөн кара куурайды жок кылуу иштери жүргөн.
Жалпысынан Түп району боюнча 19,7 гектар жердеги өсүмдүктөр чабылып, жыйынтыгында 10 тонна 960 килограмм кара куурай жок кылынган.
