БИШКЕК, 28-июн. — Sputnik. Эртең, 29-июнда өлкө аймагында күн ачык болот. Бул тууралуу ӨКМ билдирди.
Маалыматка ылайык, батыштан соккон шамалдын ылдамдыгы секундасына 4-9 метрге чейин жетет.
Бишкек шаарында жаан-чачын күтүлбөйт. Абанын түнкү төмөнкү температурасы 14…16 градус, күндүз 30…32 градус жылуу болушу күтүлөт.
Ош шаарында да жаан-чачын күтүлбөйт. Түнкүсүн 16…18 градус, күндүзгү жогорку температура 32…34 градуска чейин жетет.
Ал эми кийинки айдын башында күндүз Ысык-Көл, Нарын облустарынын айрым жерлеринде жана кээ бир тоолуу райондордо өткүн өтүп, күн күркүрөшү күтүлөт, калган аймактарда жаан-чачын болбойт.
