БИШКЕК, 27-июн.— Sputnik. Эртең, 28-июнда өлкө боюнча жаан-чачындуу аба ырайы сактала турганын Кыргызгидромет билдирди.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт.
"Бишкекте күн күркүрөп, жаан жаайт. Абанын температурасы түнкүсүн 13…15 градус, күндүз 26…28 градус жылуу болот. Ош шаарында да күн күркүрөп, жаан жаашы күтүлөт. Абанын температурасы түнкүсүн 16…18 градус, күндүз 28…30 градуска чейин жогорулайт", — деп айтылат маалыматта.
Эртең күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн.
