БИШКЕК, 23-июн. — Sputnik. Мектеп окуучулары бири-биринен канча суммадагы каражатты талап кылып жүрүшкөндүгү тууралуу Sputnik Кыргызстан агенттигине ИИМдин өспүрүмдөр менен иш алып барган бөлүмүнүн жетекчиси Азамат Абдрахманов айтып берди.
Анын билдирүүсүнө караганда быйыл 78 мектеп рэкетчилиги аныкталып, салыштырмалуу 38 пайызга кыскарган.
"20 сомдон 300 сомго чейин талап кылышат экен. Уюлдук аппараттарды алып, коркуткан учурлар болгон", — деп билдирди Абдрахманов.
Бөлүмдүн жетекчиси рэкетчиликтин азайышы профилактикалык иштердин жүрүшүнө байланыштуу экенин белгиледи. Мындан тышкары, бардык класстар ууруларга акча чогултуп берген көрүнүштөр токтогон.
