БИШКЕК, 23-июн. — Sputnik. Ажылык амалдарын аткаруу үчүн Меккеге барган зыяратчылар эми электрондук билерик тагынышат. Бул тууралуу муфтият билдирди.
Анда зыяратчынын келген өлкөсү, виза номуру, паспорттук маалыматтары жана жашаган жери көрсөтүлөт.
Мындан тышкары, электрондук билерикте ажынын Мекке, Медина жана башка ыйык жайдагы жайгашкан жерлери жана ажы башчынын байланыш номурлары боюнча туроператордун толук маалыматтары камтылат.
Электрондук билериктеги маалыматтарды коопсуздук кызматынын өкүлдөрү смартфондун жардамы аркылуу алып турушат.
