БИШКЕК, 20-июн. — Sputnik. Шейшембиде түшкө чейин күн ачык болсо, экинчи жарымында жаан жаайт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден 15-20 метрге чейин жетиши мүмкүн.
"Бишкекте өткүн өтүп, жаан жаашы күтүлөт. Түнкүсүн 14…17 градус, күндүз 24…26 градуска чейин жылуу болсо, Ошто күн ачык болуп, абанын температурасы түнкүсүн 18…20 градус, ал эми күндүз 28…30 градуска чейин көтөрүлөт", — деп айтылат маалыматта.
Кыргызгидромет 21-24-июнь күндөрү туруксуз аба ырайы күтүлөрүн эскертет. Мезгил-мезгили менен нөшөрлүү жаан жаап, бийик тоолуу аймактарда кар жаайт. Кээ бир райондордо батыштан соккон шамалдын ылдамдыгы секундасына 18-23 метрге чейин жетет.
