БИШКЕК, 20-июн — Sputnik. "Кыргызалтын" ачык акционерлер коомунун директорлор кеңешинин жаңы курамы шайланды. Бул туурасында аталган ишкананын маалымат кызматы кабарлады.
Мындай чечим акционерлердин кезексиз жалпы жыйынында кабыл алынган. Кеңештин төрагасы премьер-министрдин мурдагы кеңешчиси Аскар Өскөмбаев болду. Ал эми мүчөлүккө Эмил Осмонбетов алгачкы жолу, ал эми Анвар Эстемесов кайра шайланды. Мурдагы төрага Дүйшөнбек Камчыбеков кызматтык мөөнөтү аяктагандыгына байланыштуу бошотулду.
