БИШКЕК, 19-июн. — Sputnik. Кыргызстандык режиссер Болот Шамшиевдин "Ысык-Көлдүн кызгалдактары" тасмасы Бразилиянын Рио-де-Жанейро шаарында көрсөтүлө турганын Кинематография департаменти билдирди.
Маалыматка ылайык, тасма Caixa маданий борборунда "Кызыл вестерндер" деп аталган программанын алкагында тартууланат. Иш-чара үстүбүздөгү жылдын 7-17-июль күндөргө белгиленип, Олимпиада оюндарынын алдындагы маанилүү маданий окуя болуп калмакчы.
Уюштуруучулардын айтымында, иш-чарада Советтер Союзу менен Чыгыш Европа мамлекеттеринде вестерн жанрында тартылган тасмалар көрсөтүлөт.
Биринчи жолу "Кызыл вестерндер" программасы 2011-жылы сунушталган.
