БИШКЕК, 19-июн. — Sputnik. Карелиянын Сямозеро көлүндө дайынсыз кеткен туристтик топтун курамындагы 10 бала каза болуп калганын аталган республиканын чукул кызматына таянып РИА Новости билдирди.
Маалыматка ылайык, дагы үч бала изделип жатат. Учурда окуя болгон жерде ӨКМдин эки тик учагы иштөөдө.
Кийинчерээк чукул кызматтагы булак 11 адамдын каза болгонун маалымдап, канчасы бала экенин тактаган эмес. Дагы 11 адамды сактап калуу мүмкүн болгон, ал эми төрт бала изделип жатат.
Каттоого турбаган туристтик топ менен байланыш 19-июнда күндүз токтогон. Маалымат боюнча топтун ичинде 24 адам — экөө чоң киши, калганы бала экени айтылууда.
