БИШКЕК, 19-июн. — Sputnik. Америкадагы Пенсильвания штатынын бийлиги амиши түгөйлөрү менен алардын досуна айып койду.
Амиши — АКШнын алыскы аймактарында жашаган анабаптист ишенимин карманган жарандар. Алар буудай өстүрүп, мал-жан багып күн көрүшөт.
Полициянын маалыматына караганда Дэниел менен Севилла Штольцфус фермасын сактап калууга акчалай жардам берген Каплануга өздөрүнүн 14 жаштагы кызын тартуулашкан. Алар социалдык тармактардан мындай кадам мыйзамдуу экенин окушканын билдирген. Учурда Штольцфустардын кызы 18 жашка толгон. Ал төрт жыл аралыгында Каплануга эки бала төрөп берген.
Социалдык коргоо кызматынын адистери 51 жаштагы Ли Капланунун үйүнөн алты айдан 18 жашка чейинки кыздар бар экенин аныкташкан. Алардын бардыгы амиши экендиктери болжолдонуп жатат.
Рейтер агенттиги билдиргендей Капланга 10 иш боюнча кылмыш иши козголгон. Дениэл Штольцфус сексуалдык аракеттерди жасоого катышы бар деп айыпталса, жубайы экөөнө балдардын коопсуздугуна шек келтиргендиги боюнча өзүнчө айып тагылууда.
Бул боюнча соттук отурум 2-августта өткөрүлөт.
