БИШКЕК, 19-июн. — Sputnik. Россиянын экономикалык өнүгүү министрлигинин колдоосу менен "Росконгресс" түзгөн "Евразиялык интеграциянын экономикалык алкагы" аттуу докладында Кыргызстан менен иш алып баруу маселеси камтылган.
Аталган доклад Санкт-Петербургда өтүп жаткан эл аралык форумда көрсөтүлгөн. "Росконгресс" 2007-жылы форумду өткөрүү үчүн түзүлгөн.
Sputnik Кыргызстан агенттигинин кабарчысы докладдын ичинен Кыргызстанга иштешүүгө себеп болгон жети себепти таап чыкты.
- Кыргызстандын географиялык жайгашкан жери эң маанилүү транзиттик аймак болуп бере алат.
- Республикада чет элдик инвестицияларга бөгөт коюлбайт. Экономиканын бардык секторлору чет элдик каражат үчүн ачык.
- Чет элдик инвесторлор жеке менчик ишканаларды ача алышат.
- Жибек жолундагы эң маанилүү эки маршруттук каттам Кыргызстан аркылуу өтөт.
- Кытай металл, алтын, уран жана электр энергия жаатында Кыргызстан менен кызматташууга кызыкдар.
- Кытайдагы ишканаларды Кыргызстанга көчүрүү ыктымалдыгы бар.
- Республика инфраструктуралык инвестициялар боюнча Азиялык банктын мүчөсү болуп катталып, активдүү кызматташууга даяр экенин билдирди.
