БИШКЕК, 17-июн. — Sputnik. Премьер-министр Сооронбай Жээнбеков көпчүлүк коалицияга министрлер кабинетинин түзүмүн өзгөртүү боюнча сунуш жөнөткөнүн өкмөттүн маалымат кызматы билдирди.
Аткаруу бийлиги төмөнкүдөй өзгөртүүлөрдү сунуштап жатат:
- Геология жана минералдык ресурстар мамлекеттик агенттигинин алдында Өнөр жай, энергетика жана кен иштетүү боюнча мамлекеттик комитет түзүү;
- Байланыш жана өкмөттүн электрондук башкаруу борборунун алдында Маалымат технологиялар боюнча мамлекеттик комитет түзүү;
- Айыл чарба жана мелиорация министрлигинин функциясын кеңейтип, ага азык-түлүк өнөр жайын кошуу;
- Экономика, Транспорт жана коммуникация министрликтери, Мамлекеттик каттоо кызматы, Геология жана минералдык ресурстар агенттигинин функцияларын кыскартуу;
- Экологиялык жана техникалык коопсуздук мамлекеттик инспекциясынын функцияларын кен иштетүүнү көзөмөлдөө боюнча милдеттерди кошуу менен кеңейтүү.
Мында өкмөт түзүмүнө өзгөртүүлөрдү киргизүүдөн штаттык курам ошол боюнча калып, бюджеттен кошумча каражат тартылбайт.
