БИШКЕК, 17-июн. — Sputnik. Таш-Көмүр шаарында кечээ, 16-июнь күнү саат 21.20да катуу жааган жаандын кесепетинен сел жүрүп, Бишкек-Ош унаа жолу жабылып калган. Бул тууралуу ӨКМ билдирди.
Маалыматка ылайык, аталган жолдун 430-435-чакырымында жети жерден сел калдыктары түшүп, жол каттамын тосуп калган. Адам өмүрүнө зыян келтирилген эмес.
Тилкеде тейлөө ишканасы тарабынан тазалоо иштери аткарылып, 17-июнь саат 01:30 чамасында унаа жол бир тараптуу ачылган. Учурда каттамды кеңейтүү иштери жүрүп жатат, зыяндын көлөмү такталууда.
