БИШКЕК, 16-июн. — Sputnik. Парламентте эл өкүлү Дастан Бекешов мечиттердин алдындагы тилемчи балдарды ким көзөмөлдөй турганына кызыкты.
Депутат балким ал балдарга жардам керектир деген ойдо.
"Эч кимге сыр эмес, мечиттердин алдындагы тилемчи балдар көбөйүп кетти. Баарыбыз мусулманбыз. Колдон келишинче акча берип коебуз. Бирок аларды көзөмөлдөгөндөр барбы?" — деп суроо салды эл өкүлү.
Бекешов өлкө боюнча социалдык маселелер биринчи кезекте чечилиши керектигин айтып, тилемчи балдарды көзөмөлгө алуу керектигин баса белгиледи.
