БИШКЕК, 14-июн. — Sputnik. Жогорку Кеӊештин Эл аралык иштер, коргоо жана коопсуздук боюнча комитети борбор калаадагы балдардын тез жардам ооруканасын оңдоп, түзөө үчүн Кыргызстан менен Сауд аравиялык Өнүктүрүү фондунун ортосундагы насыялык макулдашуу долбоорун жактырды. Бул тууралуу парламенттин маалымат кызматы билдирди.
Келишимге ылайык, Сауд аравиялык Өнүктүрүү фонду "Бишкек шаарынын медициналык тез жардам мамлекеттик балдар ооруканасын реконструкциялоо жана кеңейтүү" долбоорунун алкагында 25 жылдык мөөнөт жана 1 пайыздык үстөк менен 30 миллион доллар өлчөмүндө жеӊилдетилген насыя берет.
