БИШКЕК, 11-июн. — Sputnik. АКШнын Атайын операциялар командачылыгынын (SOCOM) өкүлү Мэтт Аллен россиялык курал-жаракты өндүргөн америкалык компаниялар менен сүйлөшүү каралып жатканын билдирди. Бул тууралуу Washington Post гезитине таянуу менен РИА Новости жазып чыкты.
Буга чейин Tampa Bay басылмасы SOCOM Калашников автоматын жана АКШ менен НАТО үчүн "бөтөнчө" деп эсептелген курал-жаракты өндүрүүгө кызыкдар компанияларды издеп жатканын айтып чыккан.
"Биздин өнөктөштөрүбүздүн көбү пайдаланып жүргөн курал-жарактын түрүн чогултуучу өндүрүш базалардын мүмкүнчүлүктөрүн иликтеп жатабыз", — деди Аллен.
"Өзгөчө" куралга Калашников автоматы, снайпердик мылтык, россиялык орто жана кичи калибрдеги пулемёттор, мындан тышкары 14,5 мм. калибрдик авиакурал кирет.
Эскерте кетсек, Калашников автоматын СССРде 1949-жылдан бери пайдаланылып келет. Аны Михаил Калашников ойлоп тапкан. Учурда бул автомат дүйнөдө кеңири жайылган курал болуп саналат.
