Казакстан: мурда жогорку кызматта турган аткаминерлер бийликти басып алууга шектелүүдө

Жазылуу
Yandex newsTelegram
Улуттук коопсуздук комитетинин өкүлүнүн берген маалыматында экс-аткаминерлер убактылуу кармоо жайына киргизилип, учурда алардын баш коргоо чарасы каралууда.

БИШКЕК, 6-июн. — Sputnik. Тергөөнүн версиясы менен Казакстандагы бийликти күч менен басып алууга аракет кылды деп шектелип мурда жогорку кызматты ээлеп келген чиновниктер кармалды. Алардын бир тобу шымкенттик ишкер Тохтар Тулешовго тарапташ экени айтылууда. Бул туурасында Казакстандын Улуттук коопсуздук комитетинин маалымат кызматынын өкүлү Руслан Карасев билдирди.

"Кармалгандардын арасында Казакстандын башкы прокурорунун мурдагы биринчи орун басары, Конституциялык кеңештин мурдагы мүчөсү, юстициянын 2-класстагы мамлекеттик кеңешчиси Ильяс Бахтыбаев, ИИМдин мурдагы кызматкери, генерал-майор Хибратулла Доскалиев, полициянын полковниги Сакен Айтбеков, Казакстандын Коргоо министрлигинин "Түштүк" деп аталган аймактын командачылыгындагы №35748 жана №55652 аскердик бөлүктөрдүн командирлери, полковниктер Бекзат Жумин менен Кайрат Пернебаев болгон", — деп айтты Карасев.

Чек ара кызматкерлери. Архив - Sputnik Кыргызстан
Актөбөдөгү окуядан соң кыргыз-казак чек арасы дыкат көзөмөлгө алынды
Анын берген маалыматында жогоруда аты аталган аткаминерлер убактылуу кармоо жайына киргизилип, учурда алардын баш коргоо чарасы каралууда.

Тулешов быйыл январь айынын соңунда Шымкент шаарында атайын операция учурунда күч түзүмдөрүнүн кызматкерлери тарабынан курал-жарак менен кармалган. 

1-февралда Астана шаарынын Алматы районунун №2 соту Тулешовду камоого санкция берген. Ал бир нече мыйзам бузууларга күнөөлөнгөн. Тагыраагы, ага Кылмыш кодексинин 297-беренесинин (баңги заттарын мыйзамсыз даярдап, иштетип, алып, сактап жана соодалоо үчүн ташып жүргөн) жана 266-беренесинин (кылмыштуу топтун ишин каржылоо, мүлк бөлүштүрүү жана каналдарды каржылоо) беренелеринин негизинде айып тагылган.

Жаңылыктар түрмөгү
0