БИШКЕК, 5-июн. — Sputnik. Мыкты өлкө индексинде (The Good Country Index) Кыргызстан 105-орунду ээледи.
Рейтинг түзүүчүлөр 163 өлкөнү иликтеп чыгышкан.
Кыргызстан бул тизмеде Казакстан (110) менен Иранды (135) артка таштаган. Өзбекстан менен Тажикстан бул тизмеде таптакыр жок болсо, Россия 72-орунду ээлеген.
Алдыңкы он мамлекеттин катарына Швеция Дания, Гооландия, Улуу Британия, Германия, Финляндия, Канада, Франция, Австрия жана Жаңы Зеландия кирген. Ал эми АКШ бул катарда да, кийинки ондукка да кирген эмес, өлкө болгону 21-орунда турат.
Иликтөөчүлөр БУУ, Дүйнөлүк банк жана эл аралык уюмдардын маалыматын колдонушкан. Ар бир өлкө анын илим жана технология, маданият, эл аралык коопсуздук, климатка камкордук көрүү, тынчтык, ден соолук жана жарандардын турмушун жакшыртуу багытында жасалган иш-аракеттери боюнча бааланган.
