БИШКЕК, 4-июн. — Sputnik. Кыргызстан Олимпиада оюндарына катышуу үчүн дагы эки жолдомого ээ болду. Бул тууралуу Кыргызстандын Улуттук олимпиадалык комитетинин башкы катчысы Канат Аманкулов билдирди.
Анын айтымында Эл аралык дзюдо федерациясы тарабынан кат келди, анда эки жолдомо берилгени айтылган.
"100 килограммдык салмакта күрөшкөн Юрий Краковецский түз жолдомо жана 60 килограмм салмакта күрөшкөн Отар Бестаевдер континенталдык квота боюнча жолдомо алды", — деди Аманкулов.
Ал Кыргызстандын капчыгында Олимпиадага 17 жолдомо бар экендигин айтты. Аларды алгандар: Арсен Эралиев, Руслан Царев, Мурат Рамонов (грек-рим күрөшү), Айсулуу Тыныбекова (айымдар күрөшү) жана Магомед Мусаев, Айаал Лазарев (эркин күрөш), Юлия Андреева, Мария Карабицкая, Виктория Полюдина, Дарья Маслова, Илья Тяпкин (жеңил атлетика), Эркин Адылбек уулу (бокс), Иззат Артыков (оор атлетика), Дарья Таланова, Денис Петрашов, жана Отар Бестаев менен Краковецкий (дзюдо).
Аманкулов Риодо өтүчүү Олимпиадага жеңил атлетика, бокс жана ок атуу боюнча лицензия алууга мүмкүнчүлүк бар экенин кошумчалады.
