БИШКЕК, 4-июн. — Sputnik. Президент Алмазбек Атамбаев Кытайдын Шиңжан-Уйгур автоном районунун Кызыл-Суу Кыргыз автоном облусунун губернатору Пархат Турдуну кабыл алганын өлкө башчынын маалымат кызматы билдирди.
Жолугушууда Атамбаевге Кызыл-Суу Кыргыз автоном облусун социалдык-экономикалык өнүктүрүү боюнча облус жетекчилигинин Кытайдын борбордук өкмөтү менен биргелешкен иши тууралуу маалымат берилди.
Президент Кытай жетекчилиги региондун экономикалык өнүгүүсү үчүн эле эмес, этностук кыргыздардын маданий-улуттук өзгөчөлүктөрү менен кыргыз тилин сактоо жана өнүктүрүү боюнча бардык колдоону көрсөтүп жатканын канаттануу менен белгиледи.
