БИШКЕК, 3-июн. — Sputnik. Бишкек шаарынын тургундарына кыргыз элинин маданияты менен жакындан таанышууга мыкты мүмкүнчүлүк түзүлөт. Бул тууралуу Мамлекеттик жаштар иши, дене тарбия жана спорт агенттиги билдирди.
"Кыргыз айылы" аталышындагы иш-чара 5-июнь күнү Жеңиш паркында саат 10:00дөн 18:00гө чейин өтөт.
Бишкек шаарынын тургундары жана коноктору боз үйдүн куралышына, улуттук оюндарга күбө болуп, кыргыз тамак-ашынан даам сыза алышат.
Мамлекеттик жаштар иши, дене тарбия жана спорт агенттиги аталган иш-чараны Бишкек мэриясы жана "Ак шумкар кут" коомдук бирикмеси менен биргеликте өткөрүүдө.
Уюштуруучулар саамалык "Тарых жана маданият" жылына карата уюштурулуп жатканын кошумчалады.
Боз үй — кыргыздардын уникалдуу турак-жайы жөнүндө Sputnik инфографикасынан көрө аласыздар>>
