БИШКЕК, 1-июнь — Sputnik. Узакка созулган стресстен мээ клеткалары жабыркайт. Бул тууралуу РИА Новости Molecular Psychiatry журналына таянуу менен жазып чыкты.
АКШнын Рокфеллер университетинин окумуштуулары адамдын мээ клеткаларын иликтөөгө алып, эксперименттердин жыйынтыгында ушундай чечимге келген.
"Узакка созулган стресстен мээдеги нейрондор жабыркашы тууралуу кептер айтылып келсе, үч аптага созулган эксперимент ал айтылгандарды тастыктады", — деп билдирилет маалыматта.
Окумуштуулар стресстен улам жабыркаган клеткалар калыбына келбей, мээнин иштешине терс таасирин тийгизээрин да билдиришти.
