БИШКЕК, 31-май — Sputnik. Жалал-Абаддын Ноокен районунда кара куурай өстүргөн жаран кармалды. Бул тууралуу Жалал-Абад ОИИБнин маалымат кызматы билдирди.
Агы ылайык, үстүбүздөгү жылдын 28-май күнү саат 15:00дөр чамасында Жалал-Абад ОИИБнин кызматкерлери тарабынан операция жүргүзүлүп, Ноокен районунун Чоң-Багыш айылында эгилген жүгөрүнүн арасынан атайылап өстүрүлгөн 1395 түп, болжол менен 200 килограмм кара куурай табылган. Аны Кочкор-Ата шаарчасынын 36 жаштагы тургуну өстүрүп келген.
© Видео / Жалал-Абад ОИИБнин маалымат кызматы
Аталган факт боюнча Кылмыш жаза кодексинин 250- беренеси (Баңги заттарын камтыган өсүмдүктөрдү айдоо жана өстүрүү) боюнча кылмыш иши козголуп, тергөө амалдары жүргүзүлүүдө.
