БИШКЕК, 30-май — Sputnik. Ош шаарында эртең бокс боюнча VII эл аралык турнир өтөт. Бул туурасында Ош шаарынын мэриясынын маалымат кызматы кабарлады.
"Турнир СССРдин спорт чеберлери, бир тууган ага-инилер Абдували жана Нургазы Арзиевдердин жаркын элесине арналат", — деп айтылат билдирүүдө.
Таймаш Ош шаарындагы бокс жана оор атлетика спорт мектебинде өтүп, беш күнгө созулат.
