БИШКЕК, 24-май — Sputnik. Иса Ахунбаев атындагы Кыргыз мамлекеттик медициналык академиясынын жамааты Жогорку Кеңештин депутаттарынын окуу жайды университет кылып өзгөртүү боюнча демилгесин колдой турганын академиянын маалымат катчысы Абибилла Пазылов билдирди.
Анын айтымында буга чейин эл өкүлдөрү буга чейин медакадемияны университет кылып атоо боюнча мыйзам долбоорун сунуштаган.
"Мындай демилге менен КСДП, "Ата-Мекен" жана башка фракциянын депутаттары чыгышкан. Алардын катарында Иса Өмүркулов, Данияр Аттакуров бар", — деди Пазылов.
Ал ошондой эле, шейшемби күнү окуу жайдын жамааты, студенттердин катышуусунда аталган тема талкууланганын кошумчалады. Академиядан университет болуп өзгөрүүнү жалпы жамаат колдой турганын айтышты.
"Академияда илим менен да алектениш керек. Биз окуу жайбыз. Андыктан университет деген ат бизге ылайыктуу", — деди маалымат катчы.
Жыйындын катышуучулары тийиштүү резолюция кабыл алышты.
