БИШКЕК, 24-май — Sputnik. Sputnik.Пикирлер сурамжылоосунун натыйжасында ага катышкан европалыктардын 49 пайызы Түркия Евробиримдикке таптакыр кирбейт же дагы 10 жылдан кийин кошулат деген пикирин билдирген. Мындай оюн немистердин 58 пайызы, француздардын 55 пайызы жана британиялыктардын 33 пайызы айткан. Мындай жыйынтык Sputnik маалымат агенттиги жана радиосунун тапшырмасы менен Франциянын Ifop жана Британиянын Populus компаниялары тарабынан жүргүзүлгөн изилдөөдө анык болгон.
"Сиздин пикириңизде Түркия Евробиримдикке качан кирет?" деген суроого француздардын 17 пайызы, немистердин 27 жана британиялыктардын 38 пайызы "жакынкы 10 жыл ичинде" деп жооп берген. Бул суроого Улуу Британия элинин 29 пайызы, француздардын 28 жана Германиянын 15 пайызы "билбейм" деген жооп кайтарган.
Коомдук пикирди изилдөө боюнча эл аралык долбоор 2015-жылдын январында башталган. Долбоордун өнөктөшү белгилүү Populus жана Ifop изилдөө компаниялары болду. "Sputnik. Пикирлер" долбоорунун алкагында Европа жана АКШ өлкөлөрүндө маанилүү социалдык жана саясий маселелер боюнча сурамжылоолор үзгүлтүксүз жүргүзүлөт.
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт. Sputnik маалымат түрмөгүнө жазылгандар үчүн англис араб, испан жана кытай тилдеринде кабарлар күнү-түнү жаңыланып турат.
