БИШКЕК, 22-май — Sputnik. Тажикстанда Конституцияга өзгөртүү киргизүү боюнча референдум өттү деп таанылганын өлкөнүн Борбордук шайлоо комиссиясына таянып РИА Новости жазып чыкты.
Маалыматта жергиликтүү убакыт боюнча саат 12.00гө 2 миллион 33 миң адам же элдин 66,6 пайызы добуш берди. Баш мыйзамга киргизилген өзгөртүү азыркы президент Эмомали Рахмонду чек койбой кайра шайланууга, талапкерлердин жаш курагын 30 жашка чейин түшүрүүгө мүмкүнчүлүк берет. Мындан сырткары, улутчулдук жана диний негизде партия түзүүгө жана каржылоону чет жактан алууга тыюу салат.
Референдум добуш берүүчүлөрдүн 50 пайызынын (50 пайыз гана кошумча бир добуш) макул деген добушунун жыйынтыгы менен өттү деп саналат.
Тажикстанды 1992-жылдан тарта башкарып келе жаткан азыркы Баш мыйзам боюнча Рахмон 2020-жылы боло турган шайлоодо президенттикке талапкерлигин коё албайт. Ал эми бул референдум ага мөөнөтүн чектебей президентик шайлоого катышууга укук берет.
Тажикстандын Конституциясы 1994-жылдын 6-ноябрында кабыл алынган. Баш мыйзамга буга чейин референдум жолу менен эки ирет толуктоо киргизилген. 1999-жылы бир палаталуу парламенттин ордуна эки палаталуусу киргизилген. Ал эми 2003-жылдагы референдум азыркы президент Рахмондун президенттик укугун беш жылдан жети жылга чейин көбөйтүп, андан сырткары 2020-жылга чейин эл башкарып турууга укук берген.
