БИШКЕК, 19-май — Sputnik. Башкы прокуратуранын маалымат кызматы президенттин аппаратынын мурдагы жетекчиси Данияр Нарымбаев менен экс-депутат Хажимурат Коркмазовдун сот иши боюнча күбөлөрдүн берген көрсөтмөлөрүн расмий сайтына жана Youtube каналына жарыялады.
Коркмазов менен Нарымбаев былтыр Бишкек шаарынын мурдагы мэри Нариман Түлеевдин сот ишин оң жагына чечип беребиз деп анын жакындарынан пара талап кылган деген шек менен кармалган. Биринчи инстанциянын чечими менен Нарымбаев катуу режимдеги колонияга кесилген. Учурда анын иши экинчи инстанцияда каралууда. Ал эми Коркмазов пара талап кылганы үчүн 1,5 жылга кесилген.
Башкы прокуратура бир катар ЖМКлар күбө катары сурак берген Кадыров аттуу жаран соттун сурамына парламенттин аппаратынын жообун даярдаган делген кызматкердин аты-фамилиясын жазганын билдирет.
Бир катар интернет басылмалар соттун жүрүшүн бурмалап чагылдыргандыктан башкы көзөмөл органдын маалымат кызматы күбөлөр — Кадыров менен Безродныйдын көрсөтмөсүн жарыялады.
