БИШКЕК, 18-май — Sputnik. Диета кармоо арыктоонун эффективдүү жолу эмес экенин окумуштуулар билдиргенин Medicine & Science in Sports & Exercise журналына шилтеме берүү менен РИА Новости жазып чыкты.
Маалыматка ылайык, комплекстүү диетага караганда спорт менен машыгуу адамды тез арыктатат. Спорттун дагы бир жакшы жери — сүйүктүү тамактарды ылгабай жей берүүгө шарт түзөт.
"Көпчүлүк биздин кесиптештер спорт менен машыгуу адамдын тамакка болгон табитин күчөтүп арыктоого бөгөт коет деп эсептешкен. Бирок биздин изилдөөлөр башка натыйжаны көрсөттү", — деп билдирди Миссури университетинин окумуштуусу Вики Вейра-Портер.
Бир нече жумадан кийин окумуштуулар чычкандардын абалын текшерүүгө алышкан. Натыйжада үчүнчү топтогулар ашыкча салмак кошушса, диета кармагандары бир аз арыктаган. Ал эми "спортчу" чычкандар эки топтогу чычкандарга салыштырмалуу кыйла эле арыктаганы байкалып, ден соолуктары дагы салыштырмалуу жакшыра түшкөн.
Мындан улам окумуштуулар адамдарга каалаган тамакты жеп спорт менен машыгууга чакырат.
