БИШКЕК, 17-май — Sputnik. Ысык-Көл облусуна караштуу Түп айылындагы акиташ менен чопо чыккан Күрмөнтү кенин иштетүүгө лицензия сатылды. Бул тууралуу Геология жана минералдык ресурстар боюнча мамлекеттик агенттигинен билдиришти.
Аукцион Түп айылында 16-май күнү өткөн. Лицензиянын баштапкы баасы 100 миң долларды түздү.
Аукционго катышууга "Хуанхэ Групп" ЖЧК кытай компаниясы менен жергиликтүү "ТК Акташ" ЖЧКсы катышкан.
Комиссиянын 13 мүчөсүнүн чечими менен "ТК Акташ" ЖЧК компаниясы 120 миң АКШ долларын сунуштап жеңүүчү аталды.
Өткөн жылы комиссия кендин баштапкы баасын 1,5 миллион долларга баалаган болчу.
