БИШКЕК, 16-май — Sputnik. Селсаяктар адам өлүмүнө шектелүүдө. Бул тууралуу Бишкек ШИИБнен билдирди.
Маалыматка ылайык, үстүбүздөгү жылдын 11-май күнү саат 16:00дөр чамасында Жибек Жолу проспектисинде жайгашкан соода борборунун жанына 35-40 жаш чамасындагы кишинин жансыз денеси табылган.
Аталган факт боюнча тергөө амалдары башталып, каза болгон жаран 35 жаштагы Нарын облусунун тургуну, Бишкек шаарында жүргөн селсаяк экендиги аныкталган.
Ыкчам иликтөө иштеринин натыйжасында кылмышка шектүү делинген үч селсаяк кармалган. Алардын бирөөсү 29 жашта болсо, экөөсү 30 жаштагылар.
Шектүүнүн айтымында, Аламүдүн базарында жан баккан селсаяктар ичимдик ичип, уруша кеткен. Чырдын айынан бир селсаяк бөтөлкөлөшүн чаап жиберип, кур менен муунтуп салган.
Кылмышка шектүүлөр боюнча тергөө амалдары уланууда.
