БИШКЕК, 7-май — Sputnik. Билим берүү жана илим министрлиги Ден соолукту чыңдоочу республикалык "Жаштык" борбору менен биргеликте спорттун тогуз түрү боюнча мектеп окуучуларынын арасында спартакиада уюштурат. Бул тууралуу аталган министрликтин маалымат кызматы билдирди.
Маалыматка ылайык, иш-чара Тарых жана маданият, ошондой эле эгемендүүлүктүн 25 жылдыгына арналууда.
"Мелдеш бокс, баскетбол, волейбол, футбол, тогуз коргоол, самбо, жеңил атлетика, таэквандо жана оор атлетика боюнча өтөт", — деп айтылат билдирүүдө.
Спартакиаданын салтанаттуу ачылышы 10-май күнү саат 10.00дө Балдар жана өспүрүмдөрдүн "Сейтек" улуттук борборунда өтөт.
