БИШКЕК, 2-май — Sputnik. Кыргызстандык тайбоксчу Рафаэль Физиев эл аралык турнирде күмүш медалга ээ болгонун Тайбоксу боюнча федерациянын маалымат кызматы билдирди.
Муай тай боюнча турнир Чонбуриде (Таиланд) "Toyota марафон" фестивалынын алкагында өткөрүлдү.
Кыргызстандык спортчу эки жолку мушташта жеңишке жетишип, жарым финалда таиланддык мушкерди нокаут менен жеңген.
Финалда Физиев Таиланддын башка мушкери менен чыгып, биринчиликти алууга бир нече упай жетпей калды.
Жарым жыл бою спортчу келишимдин негизинде Таиландда жүрөт. Ал бул аралыкта тогуз жолу эл аралык деңгээлдеги мушташка чыгып, сегиз жолу жеңишке жетишкен.
