БИШКЕК, 2-май. — Sputnik. Көк бөрү боюнча турнир 5-май күнү "Ак кула" ипподромунда баштала турганын Спорттун олимпиадалык түрү боюнча дирекция билдирди.
Мелдеш Жеңиш күнүнүн урматына уюштурулуп, СССРдин Эл артисти Сүймөнкул Чокморов жана белгилүү каскадёр Үсөн Кудайбергеновдун элесине арналмакчы.
4-май күнү чучу кулак кармалып, мелдеш 5-8-май күндөрү өтөт.
9-майда жарым финал жана финалдык беттештер тартууланат. Мындан тышкары, келген эл ат оюндарына күбө болот.
Мыкты оюнчулар 3-8-сентябрь күндөрү Ысык-Көлдө өтө турган Дүйнөлүк көчмөндөр оюндарында ат салыша турган улуттук курама команданын катарына кабыл алынат.
Көк бөрү оюну ар бир 20 мүнөттүк эки таймдан турат.
