БИШКЕК, 1-май. — Sputnik. Кыргызстанда жаңы курулуучу чакан шамал жана гидроэлектростанцияларды сегиз жыл салыктан бошотуу боюнча мыйзам долбоору иштелип чыгып, коомчулуктун талкуусуна коюлду.
Мыйзам долбоорунун демилгечилери Пархат Тулендиев менен Экмат Байпакбаев электр өндүрүү маселеси толук кандуу чечилбей жатканын айтып, бул сунуш учур талабы экенин белгилейт.
"Мыйзам долбооруна ылайык, жаңы курулган чакан ГЭСтерди сегиз жыл салыктан бошотуу каралып жатат. Бул демилге инвесторлорду тартууга карата жасалган аракет болуп саналат", — дейт демилгечилер.
Мындан сырткары, ГЭСке керектелчү жабдыктарды сатып алууда кошумча салыктан бошотуу каралууда.
