БИШКЕК, 24-апр. — Sputnik. Ош шаарында ордо оюну боюнча республикалык чемпионат өтөт. Бул тууралуу Ош шаарынын мэриясынын маалымат кызматы билдирди.
Чемпионат 25-28-апрель аралыгында Ош мамлекеттик университетинин филология факультетинин имаратынын жанында өткөрүлөт.
Ага өлкөнүн бардык аймактарынан келген ордочулар катышып, жеңүүчүлөр Бүткүл дүйнөлүк көчмөндөр оюнуна катышууга жолдомо алышат.
Эске салсак, экинчи Дүйнөлүк көчмөндөр оюну 2016-жылдын 3-8-сентябрь аралыгында Ысык-Көл облусунда өтөт.
