БИШКЕК, 22-апр. — Sputnik. "Ата Мекен" фракциясы КСДП төрагалыкка кимди көрсөтсө ошону колдойт. Бул тууралуу Sputnik Кыргызстан агенттигине "Ата Мекен" фракциясынын депутаты Алмамбет Шыкмаматов билдирди.
Учурда КСДП фракциясы төрагалык маселеси боюнча жыйын курууда.
"Азырынча "Ата Мекен" фракциясында бул маселе боюнча жыйын боло элек. Бирок "Ата Мекен" фракциясы төрагалыкка КСДП кимди алып чыкса ошону колдойт. Башка талапкерибиз жок", — дейт Шыкмамтов.
Өткөн бейшемби күнү парламентте төраганы шайлоо маселеси күн тартибине киргизилип, бирок кворум болбой, спикерди шайлоо 20-апрелге белгиленген. Ал ортодо шайлоонун жыйынтыгы менен спикерликке аттанган Канат Исаев менен Бакыт Төрөбаев 51 добуштан алып, жарыштан четтеп калышты.
Ал эми буга чейинки төрага Асылбек Жээнбеков бир тууган агасы өкмөт башчылыкка көрсөтүлгөндөн кийин кызматынан баш тарткан.
