БИШКЕК, 16-апр. — Sputnik. Бүгүн эртең менен Кыргызстандын түштүк аймагында беш баллдык жер титирөө болгонун ӨКМ билдирди.
Сейсмология институтунун маалыматы боюнча силкинүүнүн очогу Өзбекстандын аймагында, Чаткал районундагы Сумсар айылынан 30 чакырым, Ала-Букадан 52 чакырым, Кербенден 75 чакырым жана Таш-Көмүр шаарынан 100 чакырым алыстыкта жайгашкан.
Мындан улам Кыргызстандын аталган айыл-шаарларында 3-5 балл болуп сезилген.
ӨКМ силкинүүдөн жабыр тарткандар катталган жок деп билдирүүдө.
