БИШКЕК, 13-апр. — Sputnik. Бишкекте адам өлтүрүүгө шектелип Нарындын 37 жаштагы тургуну кармалганын ИИМ билдирди.
Маалыматка ылайык, Свердлов РИИБге соттук-медициналык экспертиза борборунун өлүкканасына зомбулук менен өлтүрүлгөн адамдын сөөгү келип түшкөнү тууралуу маалымат келген. 42 жаштагы Бакыт аттуу жарандын жансыз денесин Аламүдүн-1 кичи районунда жолдон өтүп бараткан адамдар тапкан.
Бул боюнча кылмыш иши козголуп, натыйжада ага шектүү адам кармалган. Териштирүү учурунда ошол күнү шектүү жаран достору менен арак ичип отуруп, саат 23.00дө жолдон таанышы Бакытты жолуктуруп калганы аныкталган. Экөөнүн ортосунда чыр чыгып, мушташа кетишкен. Алган соккуларынан Бакыт жерге жыгылып, башы менен тийген. Шектүү жаран окуя болгон жерден кетип калган.
Учурда шектүүгө карата Свердлов райондук соту тарабынан №1 тергөө абагына камакка алуу чечими чыкты. Тергөө амалдары улантылууда.
