БИШКЕК, 13-апр.—Sputnik. Кыргызстандын ички дүң продукциясы өткөн жылдын үч айына салыштырмалуу 4,9 пайызга төмөндөдү. Бул тууралуу маалымат Улуттук статистикалык комитеттин сайтына жарыяланды.
"Үстүбүздөгү жылдын январь-март айларында ички дүң продукция (ИДП) алдын ала баалоо боюнча 79 миллиард сомго жакындады. Бул өткөн жылдын ушул маалына салыштырмалуу 4,9 пайызга төмөндөгөнүн көрсөтөт",— деп айтылат маалыматта.
ИДПнын төмөндөшүнө негизинен өнөр жайдагы жана транспорттогу өндүрүш көлөмүнүн кыскарышы таасир эткен.
Ал эми "Кумтөр" кен казуу ишканаларын кошпогондо 2016-жылдын январь-март айларындагы ички дүң продуктунун көлөмү 73 миллиард сомдон ашып, бир пайызга көбөйгөн.
