Өкмөт башчы Темир Сариев бүгүн, 11-апрелде өкмөттүн чукул жыйынында кызматтан кетерин жар салды. Ал мындай кадам өкмөт менен Жогорку Кеңештин ортосундагы чыңалган абалдын алдын алуу үчүн жасалып жатканын белгиледи. Мыйзам боюнча өкмөт башчы жумуштан кетери менен өкмөт мүчөлөрү кызматтан бошойт.
Sputnik Кыргызстан агенттиги Темир Сариев менен Элвира Сариевага башка Сариевдер кандай баа берерине кызыгып көрдү.
Марс Сариев, серепчи:
Ал эми жакшы жактарын айтсам өзүн кризис менеджери катары жакшы көрсөтө алды. Өлкөнүн ЕАЭБге кирүүсү менен өзгөрүүлөрдү күткөнбүз. Бирок дүйнөлүк кризистин арты менен күтүлгөн нерселер акталган жок. Анткен менен өлкөнү бир калыпта кармап, ийгиликтүү иштей алды. Ал эми Билим берүү жана илим министри Элвира Сариева өкмөттүк эмес сектордон келгендиктен жаңы адам катары өзгөртүүлөрдү алып келди. Аталган министрликте көп жылдан бери калыптанып калган коррупциялык системалар бар, аны заматта өзгөртүү мүмкүн эмес. Башкаруу тажрыйбасы жок туруп, реформаларды жасап жатат.
Жумагүл Сариева, "Чапан" студиясынын жетекчиси:
Жаныбек Сариев, "СВТ Чоң Кемин" туризм ишканасынын мүдүрү:
— Менин пикиримде Темир Сариев жакшы иштеди. Ал өлкөнүн экономикасын бир калыпта кармап турду десем болот. Эсепке жакшы экен. Ар убак экономикалык маселелерди көтөрүп келет. Үңкүр-Тоо боюнча айта турган болсом, анын күнөөсү далилденген жок. Ал эми терс жагы — өз алдынча иштей албады. Бирөөлөрдөн көз каранды болуп иштегендей сезилет. Ал эми Элвира Сариева тууралуу эч нерсе айта албайм".
Мирбек Сариев, маршрутка айдоочусу:
— Темир Сариевдин премьер-министр болгонун сезген да жокмун. Мага мурунку өкмөт башчылардын иштегени жаккан. Жолдор оңдолуп жатат, бирок буга анын тиешеси жок болсо керек. Ал эми Элвира айым болсо жаңы форма киргизди. Бирок кыйратып иштегенин сезбедим".
Темир Сариев 2015-жылдын 2-майында премьер министр болуп бекиген. Ал эми Элвира Сариева 2014-жылдын 20-декабрында Билим берүү жана илим министри болуп дайындалган.
