БИШКЕК, 10-апр. — Sputnik. Индиянын Керала штатында сыйынуучу жай — храмдагы өрттөн 83 адам каза болуп, жаракат алгандардын аны 350 адамга жеткенин NDTV телеканалына таянуу менен РИА Новости билдирди.
Бүгүн түнкү саат 03.30да майрамдык ырым-жырым убагындагы фейерверктерден улам Коллам шаарындагы храмда өрт чыккан. Маалыматтарга ылайык, имарат толугу менен жок болгон.
Индиянын премьер-министри Нарендра Моди менен саламаттык сактоо министри окуя болгон жерге жөнөп жатканы маалымдалды.
