БИШКЕК, 7-апр. — Sputnik. Бейшемби күнү Кыргызстанда тарыхта биринчи жолу Таиланддын канбийкеси Маха Чакри Сириндхорн келди. Бул тууралуу Тышкы иштер министрлиги билдирди.
Рсмий иш-чаралардын алкагында канбийке президент Алмазбек Атамбаев менен жолугуп, Кыргызстандын бир катар билим берүү жана маданий борборлоруна барат.
"Канбийкеге Кыргыз улуттук университеттин ардактуу профессору наамы тапшырылат", — деп айтылат билдирүүдө.
ТИМ Таиланд канбийкесинин сапары эки өлкөнүн мамилелерин жандандырып, өз ара кызматташууну өнүктүрүүгө өбөлгө болорун белгилейт.
